राज्यात अवकाळी पावसामुळे शेतकरी चांगलाच मेटाकुटीला आला आहे. 2 मे पर्यंत राज्यातील काही भागात पावसाचा जोर कायम राहील. हा पाऊस सर्वदूर नसेल मराठवाडा, पूर्व विदर्भ, पश्चिम विदर्भ, उत्तर व पश्चिम महाराष्ट्रातील भागात पाऊस होईल. 2 मे पासून राज्यातील वातावरण कोरडे होईल.

पंजाबराव डख म्हणतात राज्यातील पाऊस थांबणार नाही!

2 मे पर्यंत राज्यातील काही भागात पाऊस होईल. यानंतर पाऊस विश्रांती घेईल, मात्र ही विश्रांती थोडेच दिवस असेल. 5 मे पासून पुन्हा राज्यात पावसाला सुरुवात होईल. हा पाऊस उत्तर महाराष्ट्रातील नंदुरबार, धुळे, नाशिक, विदर्भ व मराठवाड्यातील तुरळक भागात 5 ते 7 मे दरम्यान सक्रिय राहील.