राज्यात आतापर्यंत २८ हजार ६०१ जणांनी अर्ज केला आहे महाऊर्जाच्या संकेतस्थळाच्या तांत्रिक त्रुटींमुळे अर्ज भरण्यासाठी शेतकऱ्यांची झुंबड उडाली आहे. संकेतस्थळावर तांत्रिक भार येऊन ते बंद पडत असल्याच्या तक्रारी येत आहेत परिणामी शेतकऱ्यांना मनस्ताप सहन करावा लागत आहे. मात्र, या योजनेसाठी अंतिम मुदत नसल्याने शेतकरी या योजनेसाठी केव्हाही अर्ज करू शकतात. संकेतस्थळ बंद होणार नखन शेतकऱ्यांना अर्ज भरण्यास पुरेसा कालावधी आहे. अर्ज भरणाऱ्यांची संख्या मर्यादित असल्यास ही अडचण येणार नाही.

शेतकऱ्यांच्या शेतावर ५८ हजार पंप

•  या योजनेतून शेतकऱ्यांना ९० व ९५ टक्के अनुदानावर सौर कृषिपंपांचे वाटप केले आहे.
• पहिल्या टप्प्यात या योजनेसाठी १ लाख पंपांचे उद्दिष्ट ठरविण्यात आले आहे.
• सप्टेंबर २०२१ पासून सुरु झालेल्या या योजनेत आतापर्यंत ५८ हजार पंप शेतकऱ्यांच्या शेतावर बसविण्यात आले आहेत.
• महाऊर्जाने पूर्वीच्या अर्जासह नव्याने अर्ज मागविण्यासाठी १७ मेपासून संकेतस्थळ सुरु केले आहे.
• राज्यभरातून शुक्रवारपर्यंत (दि. २६) अर्ज भरता येत नसल्याच्या आलेल्या तक्रारी- २८० तक्रारी
• पुण्यातून सर्वाधिक २ हजार ७२९ अर्ज दाखल.

अर्ज करण्यासाठी मुदत संपलेली नाही. तसेच अंतिम मुदत ठरविण्यात आलेली नाही. त्यामुळे शेतकऱ्यांनी थोडा धीर धरावा. प्रत्येक जिल्ह्यासाठी कोटा आहे. त्यामुळे संकेतस्थळ सुरु राहणार आहे. घाई करु नये.